20/09/2019
O Colexio Oficial de Xoiaría organiza a realización dun curso de "Diamante sintético, Tratado e Imitacións".
O curso, moi solicitado dada a relevancia do diamante sintético que está circulando no mercado, ten por obxectivo que os alumnos poidan identificar diamantes sintéticos e tratados, así como as imitacións modernas do diamante máis relevantes.
É un curso intensivo e presencial de 8 horas de duración, no que se abordarán os diversos métodos de síntese de diamantes comezando cunha breve descrición teórica para, a continuación, pasar a realizar as prácticas. Emplearanse métodos xemolóxicos estándar e explicaranse ademais, outras técnicas que inclúen instrumentos sofisticados de espectroscopía.
O seminario será impartido por dous xemólogos especialistas en diamante do laboratorio MLLOPIS, que se trasladarán ó lugar de formación co equipamento necesario (lámpadas, microscopios estereoscópicos, microscopio estereoscópico con cámara de vídeo para proxectar imaxes, reflectómetro, conductímetro, D-Screen, imán de neodimio, balanza hidrostática, polariscopios, cabina de luz ultravioleta Oc-Ol, espectroscopio manual con fuente de iluminacion, refractómetro e colección de pedras - diamantes naturais, sintéticos, tratados e imitacións).
Cada alumno percibirá un caderno coas dispositivas e as fichas prácticas das pedras da colección, se ben debe ir provisto de lupa e pinzas, que debe saber manexar ó tratarse dun curso avanzado.
Para ver o programa do curso pinchar no seguinte enlace: Programa do Curso.
Lugar de realización: Santiago de Compostela
Data: posiblemente sábado 26 ou domingo 27 de outubro
Horario: 9h a 13h e 14h30 a 18h30
Número máximo de alumnos: 10
Cota de inscrición: 436 €/persoa
Agradeceríamos que os interesados nos comunicaran ata o 30 de setembro o seu interese en asistir ó curso por correo-e (info@coxga.es) ou teléfono (981 598 858).