Imaxe da nova.

A colección Antiques de Fernando Gallego, premio Madrid Joya Designers 2019

A paixón pola historia e as antigüidades levou a Fernando Gallego (Serra de Outes) a crear a colección Antiques, gañadora do concurso MadridJoya Designers 2019. Está composta por creacións que incorporan antigüidades xenuinas (moedas antigas, amuletos ou frechas), certificadas por anticuarios de prestixio a nivel nacional e internacional. Son xoias únicas que permiten ós seus posuídores lucir un anaquiño de historia.

Fernando Gallego comezou a súa andadura en 2001 en Serra de Outes, xunto con Paula Iglesia. Dende entón foron crecendo pouco a pouco e hoxe en día as súas pezas chegan ós amantes das xoias de todo o mundo.

A colección Antiques conta co selo Galicia Calidade pero non é a única, xa que as coleccións Apilables, Alianzas e Inspiración do outiense Fernando Gallego tamén están respaldadas por esta marca como aval de calidade.

Podemos ver lucir xoias da colección Antiques a personalidades como a actriz Cristina Castaño ou a escritora Espido Freire, quenes souberon apreciar o seu gran valor.

O xurado composto por membros da asociación Xoias de Autor, premiou dous exquisitos traballos con grande dose de personalidade e agora os gañadores terán a oportunidade de expoñer as súas pezas de forma gratuíta nun stand compartido de MadridJoya na vindeira celebración do Salón que terá lugar do 7 ó 10 de febreiro.

 Alegrámonos moito de que o traballo, esforzo e profesionalidade de Fernando Gallego teñan a súa merecida recompensa. Os nosos parabéns!

  

 


← volver

Calendario de eventos:

« Abril 2019 »
L M Me X V S D
1234567
891011121314
15161718192021
22232425262728
2930
  • Curso Online de Gemología básica
  • FOGA
  • Gravograph
  • Mapfre
  • Oferta especial colexiados



Páxinas amigas ou de interese:

www.coxga.es  /  Telf: 981 598 858  /  Rúa Ramón Cabanillas, 5-7, 2º B - 15701 Santiago de Compostela    Aviso legal
deseñado por: versiongalega.com