O mércores 16 de outubro 2013, terá lugar en Santiago de Compostela a presentación da nova colección de xoias de Fink Orfebres: Os Bolechas.
As persoas interesadas en presenciar e formar parte deste lanzamento de xoias dos Bolechas, deben enviar un correo-e a comunicacion@osbolechas.com ou chamar ao 902 182 010.
As xoias dos Bolechas
Trátase dunha colección que fusiona a cultura raíz da serie máis representativa da literatura infantil galega coa milenaria tradición ourive compostelá. Elaborada por Fink-orfebres, conta con 56 deseños diferentes entre aneis, pendentes, colgantes e pulseiras con todos os personaxes creados por Pepe Carreiro. Todas as pezas están elaboradas artesanalmente en prata de primeira lei e esmaltadas en diferentes cores, e contan co certificado de garantía de Galicia Calidade.