Co motivo da celebración do Patrón dos profesionais da xoiaría, San Eloi, o Colexio Oficial de Xoiaría organiza, en colaboración coa Asociación de Xoieiros da Mariña, o domingo 1 de decembro a súa Gala anual, en Viveiro.
Este acto, ademais da xa tradicional entrega de Seguetas de Prata, de Ouro e Medalla do Colexio, acollerá tamén a entrega dos Premios do II Concurso de deseño San Eloi.
A Segueta de Prata do Colexio entrégase aos profesionais que cumpren toda unha vida profesional dedicada á xoiaría. A Segueta de Ouro entrégase ao profesional merecedor dunha mención especial polo seu decidido apoio ao sector, durante toda unha carreira profesional.
A Medalla do Colexio entrégase a unha persoa, allea ao sector da xoiaría, en agradecemento ao seu apoio constante ao noso sector.

Seguetas de prata 2013:
Rafael Granados Guillén, xoieiro da Coruña
Manuel Lameiro Prol, xoieiro de Vigo (Pontevedra)
Jorge Cortiñas Castro, xoieiro de Padrón (A Coruña)
Antonio Frade Lombardero, xoieiro de Santiago de Compostela (A Coruña)

Segueta de ouro 2013:
Orenjoya, S.A., de Ourense

Medalla do Colexio 2013:
María Nava Castro Domínguez, directora da Axencia Galega de Turismo