A Dirección Xeral de Comercio, da Xunta de Galicia, homenaxea cada semana un establecemento comercial pola súa lonxevidade. Esta semana, a Reloxaría Martínez Pardo, dunha das nosas colexiadas, é a que recibirá esta homenaxe, por ser o comercio máis antigo de Ferrol.
Cumprindo máis de cen anos nesta ubicación (Real, 111 de Ferrol) aínda que con algún cambio na tenda, pero esmerándose sempre pola garantía de profesionalidade, a nosa colexiada recibirá este venres 29 de novembro, ás 12h, da man da Directora Xeral de Comercio, Sol Vázquez, o Diploma que acredita esta homenaxe.

Dámoslles os parabéns e convidámosvos a que leades na web de Comercio a historia orixinal desta tenda que empezou vendendo máquinas de coser, no 1898:
www.portaldocomerciante.blogspot.com.es/2013/11/optica-martinez-pardo

Tamén podedes acceder á web deste establecemento aquí: www.martinezpardo.es