Os participantes na campaña Máis que Comercio, do Centro Comercial Aberto do Couto, en Ourense, votaron masivamente ao establecemento dos nosos colexiados, Joyería Relojería Prada, conseguindo que fose o comercio mellor valorado da zona durante todo o mes de setembro.
Desde aquí queremos darlles os parabéns polo diploma recibido hoxe, das mans do Delegado Territorial da Xunta, Rogelio Martínez, e sobre todo polo agarimo co que tratan aos seus clientes desde 1980 cando abriron a xoiaría-reloxaría.
Hoxe, a súa profesionalidade foi premiada polo mellor interlocutor posible: a súa clientela.

Esta foto é do momento da entrega do Diploma (cortesía da D.X. de Comercio):

Se desexades achegarvos á súa xoiaría, está en:
Joyería Relojería Prada
Doctor Fleming, 7 (esquina con Ervedelo)
32003 Ourense