06/03/2017
A Federación Galega de Xoiaría e o COXGA entregamos esta mañá un dos cinco vales de 1.001 euros que se sorteou entre os clientes dos establecementos colaboradores de toda Galicia e que recaeu no número 04.092, repartido en Martínez Pardo Relojería (Ferrol).
O agraciado, Francisco Prados, recolleu o seu premio neste mesmo establecemento de mans de Beatriz María Martínez Bermúdez, propietaria de Martínez Pardo Relojería, e Luís González, vicepresidente do Coxga, e poderá utilizar o vale para facer compras en calquera das xoiarías colaboradoras da campaña de Nadal.
Beatriz María Martínez é a representante, xunto co seu irmán Rafael Martínez, da cuarta xeración desta saga familiar que arrancou a súa andaduda en Ferrol no ano 1898. Na foto que aparece a continuación podemos ver na columna do fondo as fotos da primeira e segunda xeración desta centenaria reloxaría ferrolana.
Os nosos parabéns ó gañador e a Martínez Pardo - Relojería!
Na foto, de esquerda a dereita: Juan Martínez, terceira xeración de Martínez Pardo Relojería, Beatriz Mª Martínez, cuarta xeración de Martínez Pardo Relojería, Francisco Prados, o gañador do vale, Luís González, vicepresidente do Coxga e Rafael Martínez, cuarta xeración de Martínez Pardo Relojería.
Colexio Oficial de Xoiaría