O Museso da Cidade da Cultura, en Santiago de Compostela, acolleu o pasado xoves a XIII edición do desfile Despunte organizado pola EASD Mestre Mateo.

Desfilaron as coleccións do alumnado graduado e de último curso das Ensinanza Superiores en Deseño de Moda e os traballos finais do alumnado do Ciclo Superior de Xoiaría Artística.

Anastasia Rodríguez Lijachova foi a gañadora do Premio Fusión Encaixe de Camariñas e Xoiaría, consistente na colexiación durante dous anos. Óscar Rodríguez, presidente do Coxga, e Sandra Ínsua, alcaldesa de Camariñas, entregáronlle o premio.

Os nosos parabéns a todos os participantes e moi especialmente a Anastasia, a nova integrante do Colexio Oficial de Xoiaría de Galicia.