08/05/2024
O Coxga e a Consellería de Educación, Ciencia, Universidades e Formación Profesional renovan o convenio para dar continuidade ao sistema de ensinanzas artísticas superiores de Deseño de Produto con carácter dual.
O Conselleiro de Educación, Ciencia, Universidades e Formación Profesional, Román Rodríguez, firmou hoxe dous convenios de colaboración co Coxga e coa Asociación de Artesáns e Comerciantes Ourives de Compostela para a nova promoción de alumnado que cursará esta modalidade formativa que xa comezou a impartirse por primeira vez este curso.
O Centro que ofrece este itinerario desglosado de xoiaría e complementos na especialidade de Produto é a Escola de Arte e Superior de Deseño Mestre Mateo, de Santiago de Compostela.
A partir de agora e grazas aos convenios firmados hoxe, os estudantes matriculados neste itinerario poderán compaxinar a súa formación académica na EASD Mestre Mateo coa formación práctica en distintas firmas de xoias e ourivaría integradas nas entidades antes mencionadas.
Esta formación de carácter dual realizarase de maneira compartida entre as empresas e o centro educativos en 3º e 4º curso.