Preme aquí para ver todos os deseños finalistas.

Preme aquí para ver todos os deseños gañadores

Preme aquí para ver álbum de fotos do acto de entrega de premios.

Unha ducia de escolares de Galicia cumpriron o seu soño de ver realizada a xoia que deseñaron para regalar a súa nai

• 80 deseños finalistas e 12 premiados convertidos en xoias na XV edición do certame “Deseña unha xoia para a túa nai”
• Xoieiros profesionais convertiron en xoias reais os deseños gañadores: Félix Munín, Fink Orfebres, Isabel Suárez e a EASD Mestre Mateo (de Santiago), Ardentia, Lizarriturri e a Unión Joyera de Bergondo (de Bergondo), Rosende Joyeros (de Ferrol); Raúl Pesqueira Fariña (de Marín) e Óscar Joyeros, (de Viveiro).
• A entrega de premios tivo lugar o pasado sábado 26 de abril ás 12h30 no Auditorio do CGAC, de Santiago de Compostela. Ao acto asistiron a Conselleira de Economía e Industria, María Jesús Lorenzana, a Directora Xeral de Xuventude, Lara Meneses, a Directora Xeral de Formación Profesional, María Eugenia Pérez e a xerente de Artesanía de Galicia, Elena Fabeiro, ademais de membros da Xunta de Goberno da Federación Galega de Xoiaría e do Colexio Oficial de Xoiaría que arrouparon aos 80 finalistas e as súas familias

Santiago de Compostela, 1 de maio de 2025. O certame “Deseña unha xoia para a túa nai”, que organiza a Federación Galega de Xoiaría e o Colexio Oficial de Xoiaría de Galicia (Coxga), en colaboración coa Xunta de Galicia e a Fundación Pública Artesanía de Galicia, volveu a poñer a proba a creatividade dos más pequenos cun certame no que retaba aos nenos de 0 a 12 anos a deseñar a xoia que lles gustaría regalar a súa nai.

Os escolares participantes na XV edición, diferenciados en categorías por idades, de 0 a 4 anos, de 5 a 7 anos, de 8 a 10 anos e de 11 a 12 anos, debuxaron a xoia que lles gustaría regalar a súa nai. Entre os miles de traballos presentados, o xurado seleccionou os 80 finalistas.

No acto de entrega de premios que tivo lugar o sábado ás 12h30 no Auditorio do CGAC de Santiago de Compostela, e que contou coa presenza da Conselleira de Economía e Industria, María Jesús Lorenzana, a Directora Xeral de Xuventude, Lara Meneses, a Directora Xeral de Formación Profesional, María Eugenia Pérez e a xerente de Artesanía de Galicia, Elena Fabeiro, arroupando aos 80 finalistas e ás súas familias desveláronse os gañadores que viron convertidos en xoias reais os seus deseños.

Os xoieiros profesionais que o fixeron posible foron Félix Munín, Fink Orfebres, Isabel Suárez e a EASD Mestre Mateo, de Santiago de Compostela; Ardentia, Lizarriturri e Unión Joyera de Bergondo, de Bergondo; Rosende Joyeros, de Ferrol; Raúl Pesqueira Fariña, de Marín e Óscar Joyeros, de Viveiro.

Tomando como referencia os debuxos enviados polos nenos, cada un dos xoieiros encargouse da creación de unha ou varias das xoias gañadoras. Intentando mantenerse o máis fiel posible ao seu deseño, decidiron o tipo de metal máis apropiado e a interpretación que mellor garantiu a súa execución técnica.

Estas doce xoias únicas e exclusivas dos premiados na XV edición do certame “Deseña unha xoia para a túa nai”, súmanse ás 150 xoias fabricadas con anterioridade nas pasadas edicións. Un premio que durará para seempre e que conta coa garantía de profesionalidade dos xoieiros colexiados de Galicia.

No transcurso do acto tamen se recoñeceu e puxo en valor o traballo do CEIP Julio Gurriarán Canalejas de O Barco de Valdeorras pola súa implicación no desenrolo do certame e incentivación á participación entre o alumnado.

Óscar Rodríguez, presidente da Federación e o Colexio Oficial de Xoiaría, entregou a placa que recolleu Mírian Álvarez Rodríguez, profesora de plástica do Centro.

Relación de gañadores: